اجمل قصائد شاعر الجزيره
يعتبر الشاعر عمير بن راشد بن عفيشة الشهواني الهاجري من الشعراء الكبار في دولة قطر , ولد في منطقة تراب الحصين والتي تقع قريبا من الساحل الغربي لقطر عام 1904م وقد تطرق في مختلف اغراض الشعر وكان غزيرا في انتاجه , توفي الى رحمة الله تعالي في 6/9/1986م.
ومن اشهر قصائدة في بني هاجر :
يـا غتـيـرٍ بالقبـايـل وتـاريـخ الـعـرب
جدنا اللي سبـع الأفيـا شكـوا حرايبـه
من بني ضيغم عبيـده عريبيـن النسـب
من بني هاجر وقحطان حن ضرايبـه
جمعنـا يشـدي قنيـف يزايفـه المـهـب
الـهـنـادي بـارقــه والـقـنـا سحـايـبـه
والرعد حس المحبب الى منـه نحـب
والغثيـر وعـج صـم الرمـك سكايـبـه
ما نعيل الا إيلا من حرك العايل سبب
وإعتمـد بأمـراً وكبـرت بنـا مصايـبـه
ما يفك المنتشـب مـن مـدورة النشـب
كون من لا يحسب القبـر كـم نصايبـه
لامشينـا بالسـلايـل وحذفـنـا السـلـب
واحتمى سوق الفناء والتقت مصايبـه
نرد ميراد الظوامي على جال الثغـب
مـاردٍ للخيـل بـيـن الـمـرج والعايـبـه
ذا لا عني صافي الخد مزفون الهدب
جـادلٍ يضفـي علـى منـحـره ذوايـبـه
نلتقي للضد شروا قصاصيب الجلـب
لـيـن مجلبـنـا يـوقــف مـــع جـلايـبـه
مجزراً لاولاد به مثل عمري الخشب
لاحدر به جـارح السيـل مـن شعايبـه
وإن بــغــى زودٍ حـايـشــة الـنـكــب
ضربـةٍ فـي الـرأس والا مـع ترايـبـه
وان تنزح ناصله فوق زينات الـودب
نقصر العنـوه علـى مـن بـدت سبايبـه
ننـثـر الـغـاره ولـــو فـيـهـا الـجـنـب
لـيـن يظـهـر كــل مـتـوجـد وجـايـبـه
{ انـا البارحه ونيت }
انـا البارحـه ونـيـت يــوم الـدلـوه يـنـود
واغطرف بصوتٍ يسهـر اللـي توعابـه
يغيّب ذهون اللي بوقت الصـلاة سجـود
ويغـلـط بــراع الكـتـب لـوكـان يقـرابـه
اقوله وانا مابي طرب غير لـي مقصـود
ازيـد الحزيـن اللـي سواتـي علـى مابـه
واساهر نجوم الليل لـو كـان مالـي فـود
هـنــيّ الـــذي يــرقــد بــنــومٍ تـهـنـابـه
ويـاونـتـي ونّـــة مـحـيـمٍ عـــدوه ورود
تـرزّم الـى مـنـه اظـهـر الـدلـو جـذابـه
برك باسفل المعطان ليـن الصديـر يقـود
والى اقفـى صديـر العـد رايـع لمغرابـه
وياخفـتـي خـفّـة وسـيـقٍ شـعـود اردود
تقـفـوّه مــن ديــرة الاجـانـيـب كـسّـابـه
على اللي نهوده مثل بيض الحمام قعـود
وطيّ الكلام اللي خذا القلـب واقفـى بـه
دقيـق المعنّـق فيـه طــوق العـنـا مقـيـود
يـروّي هبيـل القـلـب ويــدوّر واسبـابـه
ابو مضحكٍ صافي كما اللولو المنضود
القحـويـان المـسـتـوي صـفّــة أعـذابــه
مـن الريـم فيـه الخـد والمدمعيـن السـود
وجيده .. وتفريده .. وذوره .. وشبّابه
ومن بيـن مقـرن حجتّـه صـارمٍ محـدود
عـلـى مفصلـيـن زميّـمـه فـيـه يـزهـابـه
على دمث صفرات المناكب يهل اجعود
كما عرف شقراّ في ضحى العيـد لعّابـه
وليفـي جعلنـي لا بصاحـي ولا مجهـود
عجيـب السجايـا صــاب قلـبـي بنشّـابـه
يقـولـون حـسـادي تــوّده ولا لــك فــود
وانا اقول يـاراع العـذل مالـي .. الاّ بـه
والى قالو اذكر من وليفك عطايا الجـود
تـذكـرت عـنـده كــل ماجـيـت رحّـابــه
ولكون الزمان اللي مضى ينثني ويعـود
تمنيـت وطـرٍ فــات للقـلـب واصحـابـه
على المذهب الغالي وبعـدٍ عـن المنقـود
وســدّ الجمـيـع بعـيـد مـاهــو بـيـدرابـه
اودّه ولا بيـنـي وبـيـنـه عـهــد وعـهــود
ولاعلت به يحكى بعرضي ويحكـى بـه
واملنـا طويـلٍ فـي مـوّدة جسـيـم الـعـود
وحـل الفـراق وقيضـنـا وقّــف حسـابـه
تبيّن سهيل وراعي البـل عـدى المفـرود
ولا عـاد راع الطيـر يقـنـص بمشـرابـه
وقطّانة الماء في برايز وضـول حشـود
وكـلٍ علـى المـا يرتجـي غايـب ركـابـه
الا ياوجودي لا اصبحوا زملهم مرجود
واميـر الجماعـه قفّـظ البـيـت وحجـابـه
نوى بالشديد وللمطر طـاح عقـب عـدود
قـريــبٍ خـيـالـه جـــاه بالـعـلـم نـبّـابــه
وقضوّا لوازمهم وحافو علـى المشـدود
وقفّـت مطـايـا صـافـي الـلـون تحـدابـه
وخلـوّ ثقيـل وهودهـم عقبـهـم مـرجـود
وكــلٍ ضــرب لــه فنـتـقٍ مارضيـنـابـه
{ الافية }
الف ٍ اولف من غريـب المثايـل
طرايف ٍ ما اعتضت فيهـا بدايـل
اقولهـا منـي لخلـي رسـايـل
تبري من القلب الشقـي اغتلابـه
البا بليت بحـب زيـن السجايـا
غر ً علـى متنـه يهـل الزوايـا
عليه من وصف الغزيـل حلايـا
هو غاية المطلوب ترف ٍ شبابـه
التا تنيته في الوعـد ليـن جانـي
وجلس يوسع خاطـري بالتمانـي
شلت الغطا من صافيات الثمانـي
واحيا عروق القلب مـزة عذابـه
الثا ثلاث اوجاب مع مثلهـا لـي
متغبـط ٍ بازيـن سبحـة ليالـي
نوم العباد محاربه ما طـرى لـي
واللاش نومه طاب له واهتنى به
الجيم جيته قلت ويش انت شايـف
ومن شف قلبك يا حسين الوصايف
قال انت شفي والعدو بالشفايـف
واللي غيرك من العرب مالنا بـه
الحـا حلـف بالله وقلـط يمينـه
وما كل حلاف ٍ على البـر دينـه
قلت العهد ياصاحبي من ضمينـه
قال الذي منشي اللهل من سحابـه
الخا خلصت من الهوى والحبانـه
وجزت من طرد الهوى وامتحانه
في شف صافي الون جالي ثمانـه
عفنا جميع الناس مرضي جنابـه
الدال دمعي مثل سيل ٍ حشـودي
من موق عيني هل واحفي خدودي
ابكي زمان ٍ فات جعلـه يعـودي
بيني وبين اهل الصخـا واللبابـه
الذال ذهني عقب فرقـاه ضايـع
وحزني على الخلان قد هو بضايع
يالله بعقلانـك نهـار القطـايـع
تجمع بشملي عقب ما حن نجابـه
الرا روايا الحلـم تلفـي بسيـدي
واثر هروج الليل هرج ٍ وكيـدي
واثر الاحلام تجيب ناس ٍ بعيـدي
الله لا يسقي حلم ليل ٍ لفـى بـه
الزا زمى للقلب وطر ٍ مضى لـه
وان كان ذا صنعه فلا ذي بحالـه
وان قلت هون من طريق الجهاله
عرض حسين الدل له وانثنى بـه
السين سار صويحبـي بالسلامـه
وامر على الخدام تطوي خيامـه
واقفى على نضوه يجاذب خزامه
واخلى جبا عـده وظليـت انابـه
الشيـن شـدوا للحبيـب قعـوده
قاده سنـا بـراق نـزح شـدوده
من عقب ماهو لي قريب ٍ نـروده
دونه صريح بطول صوته عوى به
الصاد صادتنـي هوايـا طعونـه
واقفتتزاعج من ظعونـي ظعونـه
من يوم وادعتـه وهلـت عيونـه
واحيه يا حـال ٍ تدانـي خرابـه
الضاد ضد الحال فرقا الولايـف
ودنيت الانضا موميات السفايـف
وجيته بغدرا ليلـة ٍ تقـل حايـف
حفته وضفته ما حسود ٍ وعى بـه
الطا طلبتـه قـال ويـش بيـدي
انت الوكيل افعل على ماتريـدي
قلت استحي قال الحيا ما يفيـدي
اقض لازمك والسد ما يندرى بـه
الظا ضحك صاحبـي بالبشاشـه
بمـدة يمنـاي لــه وانتـواشـه
غم ٍ على الحساد يا هي طماشـه
والبيت مـردود ٍ علينـا حجابـه
العين عـز الله وكيـل العبـادي
يالبارحه ماذقت حلـو الرقـادي
لين السفر شفته من الشرق بـادي
يا النوم ماذقته وهـو ماصخابـه
الغين غاب الذهـن منـي ومنـه
وباحـت سـدود ٍ بينـا مستكنـه
الله جمع هاجـوس ظنـي وظنـه
وكل ٍ جعل من حب الاخر لبابـه
الفا فرحـت بلجتـه واجتماعـه
والليل عندي ما يجي ربع ساعـه
من غفلتي فاتت صلاه الجماعـه
اخذ من المقسوم لي مانـوى بـه
{ دنيا اتقلب كنها ريش طاووس }
القلب يا ابني فهـد بـه دار هاجـوس
روابـع ٍ بيـن الرجـا لـه ويـاسـه
في بني ساس ٍ عاد له دثـر ورسـوس
متهـدم ٍ ساسـه ومـن مـر داســه
من مختلف وقت ٍ به العـدل منكـوس
تشـارك الطاهـر وراعـي النجاسـه
والشرك به مكشوف والدين مدسـوس
حتـى ولـو بيـن سريـع ٍ اخلاسـه
وفي الناس ناس ٍ عضوا الدين بضروس
وناس ٍ عاونـت علـى هـدم ساسـه
هذا الـذي يذكـر بالالـواح مـدروس
شفناه شـوف العيـن قبـل الدراسـه
وعادوا لنا الماضيـن حييـن بعكـوس
واكبر غلطنـا نعتجـب فـي العكاسـه
دنيـاً تقلـب كنهـا ريـش طـاووس
تمسي وتصبـح بيـن كـره ٍ واناسـه
وحنا نعرف ان ضد الاقبـال بتعـوس
واطيب لنا يـا ابنـي فهـد الجلاسـه
قـم قـام حظـك دك للنـار دهلـوس
حيث ان شبوب النار يبري الحساسـه
واجعل عليها من حطب رمث غامـوس
ماهـو بدغـث اللـي وقيـده قباسـه
واصنع لنـا فنجـال ماهـو بمكبـوس
ريحه يفـك الصـوع عنـد احتماسـه
لا اجتال في محماسه البـن محمـوس
وارتـد مـن عقـب الغتـار بدهاسـه
كبـه بضبـاح ٍ لاطــق مـرفـوس
يقنـب قنيـب الذيـب ولاا الجراسـه
واحشه بصفرا كن بها التبـر مطلـوس
تصفاتهـا كالـورس حـل اختراسـه
ماها وطبختهـا مـع الهيـل مقيـوس
وانت البصير بهـا وراعـي البهاسـه
بـدلال مافيهـن مكنسـل ومشمـوس
رسـلان مثـل موقـعـات القبـاسـه
منهن منزل ٍ وسطها الكيـف مخمـوس
لا ذاقـه المستصـاع تبـري عماسـه
تهيل لمـن يـردون لاثـار عكبـوس
لا اختلـط عـج الرمـك واقتبـاسـه
خطلان الايدي موريـة كـل ناسـوس
وسيـوف هنـد يقسـمـن التـراسـه
ربعي قصاصيب الفنـا كـل دابـوس
في الضيق لاعيـق الطمـع والتماسـه
قـوم ٍ تكافـح كـل كسـاب نامـوس
وكل ٍ بحوض المـدح يشـرب بكاسـه
والمدح لـه نـي وفقـار ٍ ونسنـوس
وحزنا سهمنا الجـزل ماهـو دساسـه
الاولـه مانمغـث الجـار بحـسـوس
والثانيـه فينـا الـكـرم والحمـاسـه
واللي تبقى منـه بيـن العـرب روس
كـل ٍ يحـوز مـن المراجـل قياسـه
قلته وانا من نازليـن الخطـر جـوس
بيـوت ٍ تبنـى فيـه قبـل العسـاسـه
اهـل النبـا الطيـب مـن دقيـانـوس
واهـل السمـوت الطيبـه والفراسـه
هواجـر ٍ يـدري بنـا كـل منحـوس
لاضـده اقـوى منـه ضـد ونحاسـه
ونتبع هوى القطعان والضـد مكلـوس
وما زان مـن قفـر ٍ رعينـا مساسـه
وحنا لها بالخـوف جيـران وحـروس
جوس ٍ ولا نبغي منه احـد ٍ حراسـه
وننزل لا من قالـوا الحبـل ممسـوس
في قافر ٍ مـاداس بـه كـون حاسـه
وحنا لمن فـي هامتـه زوم فاعـوس
نخلـف هقاويـه ونكـمـل عطـاسـه
ولا ثار عكنان ٍ تقابـس بـه الطـوس
وكل ٍ لبـس للضـرب درع ٍ وطاسـه
الله كسانـا رايـة الـعـز ملـبـوس
سبحـان مـن فصـل علينـا لبـاسـه
نمسح بالانفس يـوم دايـس ومديـوس
لا صـار ميـدان ٍ وسيـع ٍ مـداسـه
وتنحي بنا الزلبات في الضيق كردوس
مثل الوحوش اللـي هـوت بنتكاسـه
ونخوض بالميدان لـو فـات بنفـوس
لو صافي الخمسين خمـس الخماسـه
لعيـون مـن عـدل شفايـاه بلعـوس
غـر ٍ خذالـه مـدة ٍ فـي عنـاسـه
وان رمانـا ضـد ٍ غترنـا بجاسـوس
عـود بغبـنـه بالفـشـل والتعـاسـه
وناتيـه لـو دونـه جبـال وطعـوس
معطـان لـو بالليـل حـزة نعـاسـه
وفينا لمن يصفـى لنـا ليـن ملمـوس
والجفـس مالـه عندنـا الاا الجفاسـه
قاسيـن ماطعنـا لحكـم ابـو كبـوس
ومنـا البحـر والبـر ثـار اعتفاسـه
فيما مضى واليوم روس ٍ تحت مـوس
وتشابـه الراعـي وراعـي الرياسـه
والحكـم للـي يرفـد النـاس بفلـوس
واخلـف مـروات الـدول بالسياسـه
عبد العزيز اللي تهاضع لـه الـروس
مرهق اسود الغاب الـي اشتـد باسـه
اللي جعلنـا بيـن مطلـق ومحبـوس
كـل ٍ بكفـه يلتمـس ويـن راســه
وامـن مياديـن وبلاديـن وغــروس
ونـزح محسنـة اللحـى بالمـواسـه
وخلى الفهد والظبي والذيب والعـوس
متوالفيـن ولـف بغـض وغـلاسـه
وتمت وصلـوا عـد ماهبـت الكـوس
وعـد مخضـر ٍ دنـا بــه يبـاسـه
على شفيـع الخلـق لامـدوا القـوس
في موعـد الخلـق المبعـوث ناسـه
وهذي القصيده اسمحولي ما عرفة عنوانها
انــا ويــن ابلـقـا لـــي نـديــم يـعـاونـي
مـع هجعـة النـايـم عـلـى جــرة الـونـه
ونيـنـي مــن ايــام التـوافـيـق طـافـنـي
مضـن يـوم جهلـي والمـوده لهـا رنــه
تداركـتـهـن قـبــل الـتـفـاوت وفـاتـنــي
كمـا قـانـص يـرفـا الـجـوازي وفاتـنـه
وقـفــت آتـفـكـر يـــوم قـفــن وخـلـنــي
كما الشفق لاخايـل ظعـون نحـت عنـه
سمحت وعكس بي جادل ذكره امحني
بعيـد الوطـن وعـيـون قلـبـي يراعـنـه
يعيـل بهـواه ويخلـف المـومـن السـنـي
وراعــي النـفـاق يتبـعـه مـلــة الـسـنـه
يقولون من جسمـه شـذا المسـك لابنـي
ويجنون من صافي عرق جسمه الخنه
هـو اللـي كوانـي كـي بنـدان وامحـنـي
اراوي مـع غيـره وهـو راعـي العـنـه
وسمني من اعواق السرر يـوم نيشنـي
وشـال الـوسـوم وقــال يمـكـن يشالـنـه
تدالت ارماحه في الضمايـر وصابنـي
تمـكـن صـوابـه يـــوم شـلـفـي تـعـدنـه
وداس معلوقـي دوسـة الطـفـق للشـنـي
هـبـيـل مـشـاريـب الـضـمـا مايهـمـنـه
قريـب بعيـد مــا ادركــه كــل متمـنـي
طـرايـف كـلامـه كــم هـبـيـل يـغـرنـه
من اثمار غرسـه مـا حـد راح متهنـي
بعـيـد مــن الشـكـات والـلــوم والـهـنـه
هذي القصيده قصتها يوم جاء رجال اسمه سعيد من عمان وسئل الشاعر عمير بن عفيشه قال من انتم منه
{ يـا سـعـيـد }
ياسعيد كـان تسـال جـد وتحفيـد
لـك معنـوي باصلـنـا تستفـيـده
يمكن عليك نـزل بالخبـر ونزيـد
الا انشـد التاريـخ تلقـا وكـيـده
حنا الذي يضرب بنا الوصف ياسعيد
ضياغم مـن روس جنـب وعبيـده
وهواجر يوثق بنـا فـي المعاهيـد
وقحطان ابونـا حافظيـن رصيـده
والسمت والشيمه وقسم مـن الجيـد
سلـم لنـا كـل القبايـل تـريـده
نزهين من قرب الدنـس والمناقيـد
وعروضنا مثـل الثيـاب الصفيـده
وقصيرنـا ماحـن لبيتـه رواويـد
لا غـاب منـه ليـن حتـى يعيـده
ولا نختبي دونه بالاشيـا المزاهيـد
وايدينـا فـي غالـي الـزاد بيـده
ونتبع مراضي جاهله لو على الديـد
ولكرام جار البيـت نفـرح وليـده
وان مـر كلبـه ماحذفنـاه بالحيـد
لو كان مانرجي ورا الكلب صيـده
ونطنف مراحيله ولو هـي مغاميـد
وعلى كرامـه ضيفنـا هـو قعيـده
وخوينـا نكمـد مشاكيـه تكمـيـد
لـو مايهوجـس يمـنـا بتعـويـده
وان زارما العاني لبعض المقاصيـد
متعلـث ماننشـده عــن سـديـده
نذبح سمان الضـان لـه والمفاريـد
ومن جـاد للعانـي فرحنـا بجيـده
وان جاو اهل جيش ونايا مضاديـد
ماذاقوا امـس الا شـلاوي قديـده
نقحص لهم بالهيل تـرس المباريـد
والبن يحمس جمر الارطـا وقيـده
ونقحص لشتويـا دفوفـه ملاهيـد
ويفهق لهم عقب العشـا بـه بريـده
وان زارنا المجـرم يقـزي لذاويـد
ينزل ويرحل ماجعـل لـه نضيـده
فوق العـلا نرفـع مبانيـه ونشيـد
اليـن يبعـد مـن وطنـا شـديـده
وان رامنـا ضـدا عمدنـا بتكويـد
عـود بغبنـه عبرتـه فـي وريـده
نجعل على زوره رسـوم مجاديـد
ويبطي وكبده مـن سنعنـا غديـده
وايلا انتزح منـا ورا واسـع البيـد
فالجيـش يقطـع مستـواه وقويـده
ماهـو علينـا لـو بغينـاه بعـيـد
نصبر على حـر الزمـان وجليـده
ناتيه في الكنـه حلـول المواريـد
معطـان والا نرضمـه بتهجـيـده
يصبح قطيعه بيـن الايـدي تباديـد
ويفرح ايـلا ردوا عليـه الشريـده
واقفوا على ابله شايليـن التغاريـد
ومن الحسايف يصفق ايده على ايده
ومن زان حنا لـه خيـارا اجاويـد
ومرجـام للشيطـان لفتـل قـيـده
لحركوا الاسباب بعـض المقاريـد
نوطي على الزرب الصريع وهميده
وان صار من بعد التساهـل تلاديـد
فالرابـح اللـي مقبلاتـه سعـيـده
سلم النضـا والخيـل مافيـه تبنيـد
فـي كـل وقـت لابسيـن عديـده
وان ثار عكنان كشف غـره الغيـد
ندعي النفوس الغاليـه بـه زهيـده
نلقط على الهيجا وحـس البواريـد
لو كـان ماينفـع عضيـدا عضيـده
لاوصلـت الذلـه معلـق لواريـد
واللي معه جريـا تقاصـر فديـده
ونفرج ايلا من صار صكا وتسنيـد
الى استغرب الطارد بقيضه طريـده
صار اجتوال الخيـل تـن وتفاريـد
وكـلا يخايـل غـره فـي نديـده
هـذا عليـه معـوديـن تـراديـد
ونحيي الامور الماضيـه بالجديـده
وعشنا على صايب ومصيوب وشهيد
وهـذاك ممنـوع تعـزف ذويــده
وهـذاك معتـدي وذا كاسـب فيـد
واصبح يوزع بيـن الادنيـن فيـده
تمـت وصلـى الله وسلـم بتجويـد
علـى نبـي مخـلـص بالعقـيـده
2012-07-09, 4:15 am