بين سبيع وبني هاجر هذا الفارس

بسم الله الرحمن الرحيم
(نبذه عن سيرة شيخ وفارس من فرسان الجزيرة العربية)

(نبذه عن سيرة شيخ وفارس من فرسان الجزيرة العربية)



الشيخ الفارس/محمد بن مطر ابو اثنين



اسم مضيء في تاريخ فرسان الجزيرة العربية خلد اسمه بعد رحيله بماء ٍ أغلى من الذهب بفضل ما بناه من أمجاد أصبحت شاهدا ومعلما له رحمه الله.والشيخ/ محمد بن مطر ابواثنين واحداً من أشهر شيوخ وفريس الجزيرة العربية الذين تناقلت أذاكارهم وافعالهم وخصالهم الحميدة الرواة ونحن نحاول ان نجمع بعض مايستحقه هذا الشيخ الفارس.

الامير الفارس محمد بن مطر بن فراج بن عساف ابو اثنين من مواليد هجرة رماح سنة 1328هـ ووالده هو الشيخ الفارس مطر بن فراج بن عساف ابو اثنين الذي كان له دور في توحيد الجزيرة العربية تحت قيادة المؤسس طيب الله ثراه فقد شارك طيلة حياته في فتوحات الملك عبدالعزيز وله مواقف مشرفه.معروفه لدى الجميع.توفي والد الشيخ محمد بن مطر وهو صغير في السن وحيد ليس له أخوه فبرغم ذلك نشأ,وتعلم الدين وحفظ الكثير من كتاب الله .وبدأت عليه علامات الفارس العربي الأصيل وحب الدين والولاء لولاة الامر,اشتهر في قبيلته سبيع وأحبها وأحببته واعتدت برأيه .
شارك مع جلالة المؤسس الملك عبدالعزيز ال سعود في معركة السبله ومعركة فتح الطائف وشهد فتح الحجاز . وقد أعجب به الملك عبد العزيز وأحبه لفروسيته الأصيلة وشجاعته الفذه وتمسكه بالدين الحنيف.

وبعد وفاة الملك عبدالعزيز استدعاه الملك سعود رحمه الله وجعله من المقربين له وكان له مكانه كبيره عند جلالته.وفي عام 1374هـ تم تشكيل الأفواج واختاره الملك سعود أميرا للفوج الحادي عشر من ضمن شيوخ القبائل التي اختارهم الملك سعود أمراء لعدد من الافواج وتقديرا له ولما قدمه من خدمات جليله هو ووالده فوالده الذي كان من اشهر فريس الملك عبدالعزيز رحمه الله في توحيد المملكه وله مواقف بطولية سجلت له مع جلالة الملك المؤسس في معاركه الفتوحيه منها معركة الاحساء المشهوره.

كان الامير الفارس محمد بن مطر تنطبق عليه صفات الفارس العربي الاصيل كريما وصادقا قوي الشخصية وقوي البأس بليغ اللسان محبوب لدى جميع القبائل التي عرفته كان يهتم بامور الناس وقضاء حوايجهم .عرف بحبه الشديد لقبيلته .كان رحمه الله محبوباً في مجالس الملوك والامراء وشيوخ القبائل اذ كان الجميع يستمتعون بحديثه والجلوس معه . .
وقد قال فيه الشيخ والشاعر ناصر الهماش من قبيلة قحطان حينما كان الشيخ محمد بن مطر في سوريا

كان مصلاح اوعلى الصالح قصاوي=عند ابو فراج حامي الدوبليه
سعد صفراً فوقها الني متساوي = برض سوري طبت الخد العذيه
سجت المرباع ماتتلى الشوواي=يقحمون اللي هقاويهم رديه
يوم بعض الناس وقف مايناوي=حط للعربان درب اوقاد نيه
مايبعد نيته كود النداوي =لاطلع يذبح من الصيد الطريه
ريف هشال الخلا هو والفدواي=عيد اهل هجنٍ مزاهبهم خليه
يعترض دون الخوي عند البلاوي=زاعم الحكام والمخطي خويه
علمه الطيب يسولف بالقهاوي=الاجانب سولفوبه والدنيه[/poem]

وقال فيه الشاعر فايز بن حزمي القريني هذه القصيده

الشيخ يامطلق وطانا ظعنه امس =هيف القحوم ولأشقر البن حماس
أظلالكم يابو الهذيلي عن الشمس=وذراً لكم لاهب ذعذاع نسناس
وايضا ولايقبى على خشمه اللمس=وليا التطم يقدح كما قدحت الماس
وليا خذا اللي خرجها ياخذ الخمس=ياخذ ورى حقه من الربع الانجاس

وقال فيه الشاعر العلم ناصر بن شعف المحيميدي السهلي رحمه الله:

ياشيخنا يوم الليالي سراميد=يوم ان شيخان القبايل فقاري
ينصنك العيرات يوم التشاديد=لاجن من الغربه سواة المباري
هدف تهاكع من حفاها مناهيد=من كثر سهجات الضحى والمساري
ينصن من تنصاه كل المواقيد=اسبابهن ذبح الغنم مايداري
يوم انتحى منا تلته الاواليد=وجتنا علومه مع هبوب الذواري
ابوه في ناح الرمك مثل ابوزيد=وهو ينادي بالعشا فالغداري
من روس ربعٍ ينطحون البورايد=لاشبت الهيجا وشب السعاري
هم الشيوخ الي عليها التقاليد=بفعالهم يوم الفعايل نماري
والقصيده أطول من ذلك



كما قال فيه الشاعر عبدالله بن غصن السبيعي :



ياوالله اللي راح منا سنافي=بيته مقراً للجماعه وللضيف
ماجاه من يم الجماعه خلافي=لاشك ماجاله زمانه على الكيف
الحر مايركد الى جاه سافي=ولايستهين اللي براسه زعانيف



كما قال الشاعر راشد بن سالم القريني :


درعنا الظافي لامن حصل ضربٍ ركاد=هو ذرانا كل مانسنست شمالها
من جمالين ٍ هل الفعل يوم الطراد =السموه كلها تفتخر بافعالها
من حاربهم ماتهنت عيونه بالرقاد= هل علوم الطيب لامن حضر مجالها
مانقول الاكلام على عد وكاد=واذكر الله عد ماهل وبل اخيالها


كما قال الشاعر عبدالله بن غصن السبيعي بعد عودة الشيخ محمد بن مطر من سوريا
قصيدة قال فيها


يامرحبا ياميرنا واف الاشبار=عقب المغيب الله يحييك منصور
انت الامير اللي لك الفخر والكار =غصباً على الزعلان والضد مقهور
بن مطر يناشداً عنه بخيار=يعطيك عنه العلم خاطر معسور
من لابتا لاثور الجو بغبار=بني عمر لاجاهم العلم مقصور
ولاد عامر فالقى هل الثار=لاجاء نهار فيه كاسر ومكسور


وفاته
توفي رحمه الله عصر يوم الجمعة 14/شعبان/1408هـ عن عمر يناهز 88سنة رحم الله الشيخ محمد بن مطر ابواثنين..
كان خبر وفاته فاجعه لجميع من عرفه سوى من أبناء قبيلة سبيع او من القبائل الأخرى التي عرفته لما له من مكانه عاليه عند الناس فهو صاحب نخوة و مروءة .رحمه الله واسكنه فسيح جناته .
وقد قبل فيه العديد من قصائد الرثاء ومنها قصيدة الشاعر/ حجاب بن علوش بن جويعد السبيعي .

البارحه ليه عن النوم ساموح = النوم عيني عافته ما تريده
مصدوم نفس وداخل القلب مجروح=ليلا عسى رب الملا مايعيده
والدمع من عيني على خدها وفوح=اونس على صدري سواة الوقيده
ياسبيع نوحوا واكثروا جاير النوح=أنا اشهد انه راح منكم فقيده
محمد ورى الطالات له طايل الشوح=ابن مطر راع الفعول المكيده
شيخاً شرى الامجاد بالمال والروح=والمجد أبوفراج شيخه عقيده
على المراجل راقياً قمة الصوح=متعلويا كل الخصال الحميده
خلف لنا شيخاًله الدرب مفتوح=فراج لارد البرا من صفيده
هوشيخنا الي للمهمات ناطوح=واخوانه الى كل منهم عضيده
والقصيده أطول من ذلك

و قصيده للشاعر ناصر بن شعف رحمه الله


الله لايعيد علما لفا اليوم=هز الشيوخ وهز روس الحمايل
مات الامير اللي له الطيب مرسوم=اميرفوج وشيخ سبع القبايل
ذخر الدريك اللي ورى الباب مضيوم=عليه حكم الشرع والحق مايل
ينخى صليب الراس مهوب مليوم =يبغى الفرج من عقب شوف الغلايل
ينخى الذي لهل الوحل دايم الدوم=اللي من الكربه عليهم ملايل
حرزاً نحاءجاهه تعدى هل السوم=نلوذبه لابركن الرحايل
والقصيده اطول من ذلك
وقدقال في رثائه الشاعر غازي بن دغيم:

علمن سمعته ليتنا ماسمعناه=وفات شيخ مايمله قريبه
مرحوم ياللي تفعل الطيب يمناه=عز الرفيق وعز من يلتجيبه
مرحوم ياللي بالقسا يذبح الشاه=ياخالطن سمن العراب وعصيبه
هيف القحوم وسعد من جاه ينخاه=يزود مع عسر الليالي بطيبه
مرحوم يامير طروقه مخلاه=مافيه من درب الردا مايعيبه
لو ان طيب الرجل يدفع مناياه=مثله فلاتركز عليه النصيبه
لاشك مايكتب على العبد يلقاه=لوعاش لابد الليالي تجيبه
لوان محمد بالفدايا فديناه=باللي لهم في عرض الاصحاب غيبه
محمد حميدات السجايا سجاياه=وان شانت الخطر يخيب طليبه
من راس حماي الثبار المخلاه=لاحل في تال المتلى حطيبه
مطر ذعار الخيل حسه وشلفاه=اللي نهار الكون يجدع حريبه
زبن الحصان اللي تسالع حذاياه=يثني خلاف اللي تردا هزيبه
ياليت ابو فراج موته تعداه= لواحدن لامات مايندريبه
الله يحسن صبرهم عقب فرقاه = ويجبر عزاهم عقب كبر المصيبه
عساه في الجنه مصيره ومثواه=وينجيه ربي من سعاير لهيبه
خلف عيال توصل العلم لاقصاه=تاقف مواقيف الرجال الصعيبه
من عقب الطيب يسوي سواياه=لاطاب الاول طاب من يقتديبه
ولعش واحد باول الوقت واتلاه = موكر حرار طيرها ينهقيبه
وعسى البقا في من بقا مثل شرواه=فراج شوق منقضات الذيبه

وقال الشاعر محمد بن مطلق بن جعد :
من عقب ابو فراج والبال منحاس=شيخ غدت به في قصير قدرها
زعيم جملا كلبوها على الراس=يحمل مشاكلها وينقل خطرها
ابوه قبله لا ركب قب الافراس=كم شيخ قوم ينطله من ظهرها

كما قال الشاعر سالم المطوع :

انا اشهد مات لسبيع رجال=فقده على الغالبا خساره كبيره
احد ليا من مات محد عنه سال=واحد على موته عيون سهيره
كما قال شافي بن محمد بن سعد الصييفي:



مرحوم ياشيخ به المجتمع صيب=بأول شهر شعبان جانا العزا به
مرحوم يارجل الظفر مصدر الطيب=والشيخ مثله ينفقد وا سفابه
نبكي عليه ونرفع الصوت ونجيب=وانجاوب القمري بعالي هضابه
وتبكيه خفرات الصبايا الرعابيب=اللي لها في يوم فقده ظبابه
وتبكيه شقحا لبسوها الدباديب=سرفه وترتع بالخطر والمهابه
دايم مرتعها ورى الحد تقريب = في مرتع راع الغنم مارعابه
ويبكيه من كثرت عليه المطاليب=عليه ديانه يكشر بنابه
ويبكيه مسجون حذف باخر السيب =محد نظر بامره وقدم كتابه
ابن مطر ماجن مثله ولاجيب =ولاظن حتى في عصور الصحابه
تضرب به الامثال عند المواجيب = سعد الضعيف وعد منهو لجابه

الى اخر القصيده


رحمه الله واسكنه فسيح جناته .

جمع وإعداد : معدي بن محمد
موضوع حصري ولم يسبق أن طرح في أي منتدى وقصائد تنشر لأول مره .
هذا ما استطعت ان اجمعه باختصار عن الأمير/ محمد بن مطر وإلا سيرته تفرد لها كبار الصفحات وأسأل الله اني قد قدمت مايروي ضمأ من كان يبحث عن سيرة هذا الشيخ الفارس.


تحياتي وتقديري